दैलेख जिल्लाको अध्ययन भ्रमण प्रभावकारी भएको भ्रमण टोलीका सदस्य तथा सानीभेरी गाउँपालिकाका अध्यक्ष नरबहादुर पुनले बताएका छन् । दैलेख जिल्लाको आठविस नगरपालिका र गुराँसे गाउँपालिकाले बालमैत्री स्वायत्त शासन लागु गर्न गरेका प्रयासहरु महत्वपूर्ण रहेको समेत अध्यक्ष पुनले बताए ।’ उनका अनुसार – आठविस नगरपालिकाले वालमैत्री स्वयात्त शासन वडा घोषणाको लागि नीति नियम निर्माण देखी भौतिक पुर्वाधार सम्मका काम प्राथमिकताका साथ गरेको पाईएको छ ।
हामीले पनि वालबालिकाको क्षेत्रमा धेरै काम गरेका छौं, तर अझै पनि गर्न धेरै बाँकी रहेको अध्यक्ष पुनको भनाई रहेको छ ।
दैलेख भ्रमणले बालवालिकाको क्षेत्रमा लाग्न प्रेरणा प्रदान गरेको चौरजहारी नगरपालिकाका उपप्रमुख राधा रोकाले बताईन् । उनले भनीन, बालमैत्री पूर्वाधार निर्माण देखी वालवालिका हक अधिकारको क्षेत्र लगानी गर्ने चौरजहारी नगरपालिका तयार हुने बताईन् । ‘हामी छिट्टै नगरपालिका र नगरकार्यपालिकाको बैठक बसेर नीति निर्माणमा लाग्ने छौं ।’ स्थानीय तहको विकास र समृद्धीका लागि बालबालिकामा लगानी अपरिहार्य भएको जिल्ला बालअधिकृत मानविर ओलीले बताए ।